YTHda jarohat olgan piyodalar shifoxonaga yotqizildi.
2021 yil 31 avgust kuni soat 22:20 larda, Mingbuloq tumani Birlashgan MFY ichki yo‘lida, Mingbuloq tumanida yashovchi, 1984 yilda tug‘ilgan fuqaro Neksiya rusumli avtomashinasini boshqarib borayotib, harakat havfsizligini ta'minlay olmay, yo‘lni kesib o‘tayotgan piyodalar, Mingbuloq tumanida yashovchi, 1970 yilda tug‘ilgan ayol va birga yashovchi, tumandagi maktabning 10-sinf o‘quvchisi, 2005 yilda tug‘ilgan qizini urib yuborgan.
Natijada, piyodalar bel umurtqasini yopiq sinishi va chap oyoq to‘piq suyagini yopiq sinishi tashxislari bilan tan jarohati olib, shifoxonaga yotqizilganlar.
Ushbu holat bo‘yicha Mingbuloq tuman IIB huzuridagi TB tomonidan 2021 yil 10 sentyabr' kuni O‘z.R JKning 266-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
