Namangan viloyati IIB rahbariyati va ishchi guruhi tomonidan hududlardagi “qizil” toifadagi mahallalar tuman hokimi hamda boshqa masʼullar ishtirokida bosqichma-bosqich o‘rganilib, kriminogen vaziyatni barqarorlashtirish va xavfsiz muhitni shakllantirishga qaratilgan “yo‘l xaritalari” ishlab chiqilib, amaliyotga tatbiq etilmoqda.

Ushbu jarayon doirasida ishchi guruh Uychi tumanida bo‘lib, “Ovchibuloq”, “Qo‘rg‘oncha”, “Bog‘” va “Beruniy” mahallalari hamda tuman IIB va Qo‘riqlash bo‘limi faoliyatini atroflicha o‘rgandi. Mahallalarda amalga oshirilgan ishlar tahlil qilinib, xavfsizlikni taʼminlashdagi yondashuvlar muhokama qilindi.

Shuningdek, Qo‘riqlash xizmati jangovar shayligi sinovdan o‘tkazildi. Jarayon davomida mahalla faollariga “tashvish tugmalari”ning samarali ishlash tartibi haqida batafsil tushuntirishlar berildi.

O‘rganishlar yakunida “qizil” toifadagi mahallalar yettiliklarining faoliyati tanqidiy ko‘rib chiqildi. Mazkur mahallalarni bosqichma-bosqich “sariq” va “yashil” toifaga o‘tkazish hamda PQ-1-son Qarori ijrosini to‘liq taʼminlash yuzasidan masʼullarga aniq topshiriqlar berildi.

Namangan viloyati IIB Axborot xizmati