Уйчи туманида хавфсиз муҳитни таъминлаш чоралари ўрганилди
Наманган вилояти ИИБ раҳбарияти ва ишчи гуруҳи томонидан ҳудудлардаги «қизил» тоифадаги маҳаллалар туман ҳокими ҳамда бошқа масъуллар иштирокида босқичма-босқич ўрганилиб, криминоген вазиятни барқарорлаштириш ва хавфсиз муҳитни шакллантиришга қаратилган “йўл хариталари” ишлаб чиқилиб, амалиётга татбиқ этилмоқда.
Ушбу жараён доирасида ишчи гуруҳ Уйчи туманида бўлиб, «Овчибулоқ», «Қўрғонча», «Боғ» ва «Беруний» маҳаллалари ҳамда туман ИИБ ва Қўриқлаш бўлими фаолиятини атрофлича ўрганди. Маҳаллаларда амалга оширилган ишлар таҳлил қилиниб, хавфсизликни таъминлашдаги ёндашувлар муҳокама қилинди.
Шунингдек, Қўриқлаш хизмати жанговар шайлиги синовдан ўтказилди. Жараён давомида маҳалла фаолларига “ташвиш тугмалари”нинг самарали ишлаш тартиби ҳақида батафсил тушунтиришлар берилди.
Ўрганишлар якунида «қизил» тоифадаги маҳаллалар еттиликларининг фаолияти танқидий кўриб чиқилди. Мазкур маҳаллаларни босқичма-босқич «сариқ» ва «яшил» тоифага ўтказиш ҳамда ПҚ-1-сон Қарори ижросини тўлиқ таъминлаш юзасидан масъулларга аниқ топшириқлар берилди.
Наманган вилояти ИИБ Ахборот хизмати
