To‘rt bosh qo‘y o‘g‘rilari qo‘lga olindi.
2021 yil 30 iyun' kuni, Yangiqo‘g‘on tumanida yashovchi, 1993 yilda tug‘ilgan fuqaro ariza bilan murojaat qilib, shu kunga o‘tar kechasi noma'lum shaxs, yashash hovlisidagi qo‘yxonasida bo‘lgan 4 bosh jami narxi 5.000.000 so‘mlik qo‘ylarini o‘g‘irlab ketganligini ma'lum qilib, chora ko‘rishni so‘ragan.
Yangiqo‘rg‘on tuman IIB JQB tezkor vakillari va HPMB TP profilaktika inspektori hamda kinologlar tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Yangiqo‘rg‘on tumanida yashovchi, 1998 yilda tug‘ilgan va Uychi tumanida ota-onasi qaramog‘ida yashovchi, Uychi tumanidagi maktabning 10-sinf o‘quvchisi, 2004 yilda tug‘ilgan fuqarolar sodir etganliklari aniqlangan.
Ushbu holat bo‘yicha Yangiqo‘rg‘on tuman IIB huzuridagi TB tomonidan 2021 yil 1 iyul' kuni O‘z.R JKning 169-moddasi 2-qismi bilan jinoyat ishi qo‘zg‘atilgan.
Namangan viloyati IIB Axborot xizmati
