Tilla uzukni o‘g‘irlagan shaxs ushlandi.
Joriy yil 28 oktyabr' kuni, Chortoq tumanida yashovchi, 1966 yilda tug‘ilgan ayol ariza bilan murojaat qilib, shu yil 26 oktyabr' kuni soat 14:00 larda noma'lum shaxs, Chortoq tumani Z.Diyor MFY hududida joylashgan tilla-taqinchoqlar sotiladigan bozorda tilla taqinchoqlar sotayotgan vaqtida, stol ustida bo‘lgan narxi 2.250.000 so‘mlik 1 dona tilla uzugini o‘g‘irlab ketganligini ma'lum qilib, chora ko‘rishni so‘ragan.
Tuman IIB xodimlari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Chortoq tumanida yashovchi, 1985 yilda tug‘ilgan ayol sodir etganligi aniqlangan. Daliliy ashyo olingan.
Ushbu holat bo‘yicha tuman IIB huzuridagi TB tomonidan O‘z.R JKning 169-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
