Talonchilik sodir etgan shaxs qo‘lga olindi
2021 yil 4 noyabr kuni, Namangan shahrida yashovchi, 1984 yilda tug‘ilgan fuqaro ariza bilan murojaat qilib, shu yil 2 noyabr' kuni soat 20:00 larda, Namangan shahrida ketayotgan vaqtida uning e'tiborsizligidan foydalangan noma'lum shaxs egnidagi kiyimining chap yon cho‘ntagida bo‘lgan narxi 2.500.000 so‘mlik “Redmi-7 A” rusumli uyali telefon apparatini ochiqdan ochiq olib, orqasidan quvlashiga qaramay, qochib ketganligini ma'lum qilib, chora ko‘rishni so‘ragan.
Namangan shahar IIO FMB 2-sonli IIB JQB boshlig‘i va tezkor vakillari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Namangan shahar Davlatobod tumanida yashovchi, 1995 yilda tug‘ilgan fuqaro sodir etganligi aniqlangan.
Ushbu holat bo‘yicha Namangan shahar IIO FMB huzuridagi TB tomonidan 2021 yil 4 noyabr kuni O‘z.R JKning 166-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
