Stol ustida qoldirilgan telefon apparati o‘g‘irlandi.
Shu yil 30 mart kuni Uchqo‘rg‘on tumanida yashovchi, tumandagi maktabning 10-sinf o‘quvchisi ariza bilan murojaat qilib, shu kuni soat 13:30 larda noma'lum shaxs Uchqo‘rg‘on tuman Chek mahallasi hududida joylashgan komp'yuter o‘yinlari xonasida stol ustida qarovsiz qoldirgan narxi 1.190.000 so‘mlik “Redmi-9S” rusumli uyali telefon apparatini o‘g‘irlab ketganligini ma'lum qilib, chora ko‘rishni so‘ragan.
Uchqo‘rg‘on tuman IIB JQB tezkor vakili tomonidan olib borilgan tezkor-qidiruv va surishtiruv harakatlari natijasida ushbu jinoyatni shu tumanda yashovchi, 2003 yilda tug‘ilgan yigit sodir etganligi aniqlangan. Daliliy ashyo olingan.
Ushbu holat bo‘yicha tuman IIB huzuridagi TB tomonidan O‘z.R JKning 169-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
