“Redmi-8A” telefon o‘g‘risi qo‘lga olindi
2021 yil 20 noyabr kuni, Namangan shahar Davlatobod tumanida yashovchi, 1986 yilda tug‘ilgan ayol ariza bilan murojaat qilib, shu kuni soat 11:30 larda, Davlatobod tumanida joylashgan “Yashil” dexqon bozorida yurgan vaqtida noma'lum shaxs, egnidagi kurtkasini chap cho‘ntagida bo‘lgan narxi 2.500.000 so‘mlik “Redmi-8A” rusumli telefon apparatini o‘g‘irlab ketganligini ma'lum qilib, chora ko‘rishni so‘ragan.
Davlatobod tumani IIB JQB tezkor vakillari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Davlatobod tumanida yashovchi, 2018 yilda O‘z.R JKning 169-moddasi 1-qismi bilan sudlangan, 1977 yilda tug‘ilgan fuqaro sodir etganligi aniqlangan.
Ushbu holat bo‘yicha Davlatobod tumani IIB huzuridagi TB tomonidan 2021 yil 21 noyabr' kuni O‘z.R JKning 169-moddasi 3-qismi bilan jinoyat ishi qo‘zg‘atilgan.
Namangan viloyati IIB Axborot xizmati
