Qo‘shnisini tunagan ayolga jinoyat ishi qo‘zg‘atildi.
Joriy yil 16 may kuni, Namangan tumanida yashovchi, 1970 yilda tug‘ilgan ayol ariza bilan murojaat qilib, shu yil 15 may kuni soat 10:00 larda, yashash uyida hech kim yo‘qligidan foydalangan noma'lum shaxs, yashash xonadoniga ochiq qolgan darvoza orqali kirib, xonadagi shkaf ichida bo‘lgan umumiy narxi 7.000.000 so‘mlik 5 dona ayollar tilla uzugi va 1 dona ayollar tilla zanjirini o‘g‘irlab ketganligini ma'lum qilib, chora ko‘rishni so‘ragan.
Namangan tuman IIB TEQKB tezkor vakili va HPMB profilaktika inspektorlari tomonidan olib borilgan tezkor-qidiruv va surishtiruv harakatlari natijasida, ushbu jinoyatni qo‘shnisi, Namangan tumanida yashovchi, 1994 yilda tug‘ilgan ayol sodir etganligi aniqlangan.
Ushbu holat bo‘yicha Namangan tuman IIB huzuridagi TB tomonidan O‘z.R JKning 169-moddasi 2-qismi bilan jinoyat ishi qo‘zg‘atilgan.
Namangan viloyati IIB Axborot xizmati
