Qarovsiz qoldirilgan avtomashinadan pul o‘g‘irlandi.
2021 yil 24 avgust kuni, Yangiqo‘rg‘on tumanida yashovchi, 1993 yilda tug‘ilgan fuqaro ariza bilan murojaat qilib, shu yil 23 avgust kuni soat 14:00 larda noma'lum shaxs, Yangiqo‘rg‘on tumanida joylashgan avtomashinalarga texnik xizmat ko‘rsatish ustaxonasi oldida qarovsiz qoldirilgan Damas rusumli avtomashinasi salonida bo‘lgan 1.500 AQSh dollarini o‘g‘irlab ketganligini ma'lum qilib, chora ko‘rishni so‘ragan.
Yangiqo‘rg‘on tuman IIB JQB boshlig‘i va tezkor vakillari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Yangiqo‘rg‘on tumanida yashovchi, 1990 yilda tug‘ilgan fuqaro sodir etganligi aniqlangan.
Ushbu holat bo‘yicha Yangiqo‘rg‘on tuman IIB huzuridagi TB tomonidan 2021 yil 25 avgust kuni O‘z.R JKning 169-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
