Қаровсиз қолдирилган автомашинадан пул ўғирланди.
2021 йил 24 август куни, Янгиқўрғон туманида яшовчи, 1993 йилда туғилган фуқаро ариза билан мурожаат қилиб, шу йил 23 август куни соат 14:00 ларда номаълум шахс, Янгиқўрғон туманида жойлашган автомашиналарга техник хизмат кўрсатиш устахонаси олдида қаровсиз қолдирилган Дамас русумли автомашинаси салонида бўлган 1.500 АҚШ долларини ўғирлаб кетганлигини маълум қилиб, чора кўришни сўраган.
Янгиқўрғон туман ИИБ ЖҚБ бошлиғи ва тезкор вакиллари томонидан олиб борилган тезкор-қидирув ва суриштирув ҳаракатлари натижасида, ушбу жиноятни, Янгиқўрғон туманида яшовчи, 1990 йилда туғилган фуқаро содир этганлиги аниқланган.
Ушбу ҳолат бўйича Янгиқўрғон туман ИИБ ҳузуридаги ТБ томонидан 2021 йил 25 август куни Ўз.Р ЖКнинг 169-моддаси 1-қисми билан жиноят иши қўзғатилган.
Наманган вилояти ИИБ Ахборот хизмати
