Politilen suv quvurlari o‘g‘irlab ketildi
2021 yil 22 noyabr' kuni, Namangan tumanida yashovchi, 1962 yilda tug‘ilgan fuqaro ariza bilan murojaat kilib, shu yil 17 noyabr' kuni soat 22:00 larda noma'lum shaxs, Namangan tumanida joylashgan 7 gektarli paxta maydoniga ko‘milgan narxi 12.411.000 so‘mlik 197 metr uzunlikdagi politilen suv quvurlarini o‘g‘irlab ketilganligini ma'lum qilib, chora ko‘rishni so‘ragan.
Namangan tuman IIB TEQKB tezkor vakili, HPMB profilaktika inspektorlari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Namangan tumanida yashovchi, 1994 yilda tug‘ilgan fuqaro sodir etganligi aniqlangan.
Ushbu holat bo‘yicha Namangan tuman IIB huzuridagi TB tomonidan 2021 yil 23 noyabr' kuni O‘z.R JKning 169-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
