O‘g‘irlangan Lasetti rusumli avtomashina texnik soz holda topildi
2022 yil 29 yanvar' kuni, Norin tumanida yashovchi, 1989 yilda tug‘ilgan fuqaro ariza bilan murojaat qilib, shu yil 28 yanvar' kuni soat 21:30 larda, tegishli hujjatlarsiz o‘zining boshqaruvida bo‘lgan Xorazm viloyatida yashovchi, 1955 yilda tug‘ilgan fuqaroni nomida bo‘lgan Lasetti rusumli avtomashinani yashash uyi oldida qarovsiz qoldirganligidan foydalangan noma'lum shaxs, avtomashina eshigini kalit tanlash yo‘li bilan ochib, olib qochib ketganligini ma'lum qilib, chora ko‘rishni so‘ragan.
Mazkur holat bo‘yicha viloyat hududida “To‘sib ushlash” maxsus rejasi harakatga keltirilib, olib borilgan tezkor-qidiruv va surishtiruv harakatlari natijasida, avtomashina Norin tumanidan texnik soz holda topilgan.
Ushbu holat bo‘yicha Norin tuman IIB huzuridagi TB tomonidan 2022 yil 29 yanvar' kuni O‘z.R JKning 267-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
