O‘g‘irlangan drel egasiga qaytarildi.
2021 yil 23 sentyabr' kuni Namangan shahrida yashovchi, 1993 yilda tug‘ilgan fuqaro ariza bilan murojaat qilib, shu kuni soat 17:00 larda noma'lum shaxs, Davlatobod tumanida joylashgan “Yashil dehqon bozori”dagi savdo do‘koni tashqarisida qarovsiz qoldirgan narxi 100 AQSh dollari bo‘lgan “EPA” nomli drel'ni o‘g‘irlab ketganligini ma'lum qilib, chora ko‘rishni so‘ragan.
Mazkur holat bo‘yicha Namangan shahar IIO FMB Davlatobod TIIB JQB tezkor vakillari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Namangan shahar Davlatobod tumanida yashovchi, 1980 yilda tug‘ilgan fuqaro sodir etganligi aniqlangan.
Ushbu holat bo‘yicha Namangan shahar IIO FMB Davlatobod TIIB huzuridagi TB tomonidan 2021 yil 24 sentyabr' kuni O‘z.R JKning 169-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
