O‘g‘irlab ketilgan traktor chiroqlari topildi.
2021 yil 8 oktyabr' kuni, Norin tumanida yashovchi, 1994 yilda tug‘ilgan fuqaro ariza bilan murojaat qilib, shu yil 4 oktyabr' kuniga o‘tar kechasi noma'lum shaxs, yashash uyi oldida turgan MTZ-80 rusumli traktorini narxi 200.000 so‘mlik 2 dona orqa yoritgich chiroqlarini o‘g‘irlab ketganligini ma'lum qilib, chora ko‘rishni so‘ragan.
Norin tuman IIB JQB boshlig‘i, tezkor vakili va HPMB profilaktika inspektorlari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Norin tumanida yashovchi, 2002 yilda tug‘ilgan fuqaro sodir etganligi aniqlangan.
Bundan tashqari, fuqaro shu yil 2 oktyabr' kuni soat 18:00 larda, Norin tumanida yashovchi, 1973 yilda tug‘ilgan fuqaroga tegishli Norin tumani hududida joylashgan fermer xo‘jaligi dala shiyponida turgan Belarus rusumli traktorini narxi 300.000 so‘mlik 2 dona yoritgich chiroqlarini o‘g‘irlab ketganligi aniqlangan.
Ushbu holat bo‘yicha Norin tuman IIB huzuridagi TB tomonidan 2021 yil 9 oktyabr' kuni O‘z.R JKning 169-moddasi 3-qismi bilan jinoyat ishi qo‘zg‘atilgan.
Namangan viloyati IIB Axborot xizmati
