Namangan viloyati IIB rahbariyati tomonidan Uychi tumanida o‘rganish ishlari olib borildi
Viloyat hududida joriy yilning 3 yanvardagi PQ-1-son Qarori ijrosini taʼminlash, jinoyatchilik va huquqbuzarliklarning oldini olish hamda xavfsiz muhitni shakllantirish maqsadida hududiy ichki ishlar organlari tomonidan amalga oshirilayotgan ishlar boshqarma rahbariyati tomonidan muntazam ravishda o‘rganilib, amaliy yordam berib kelinmoqda.
Jumladan, bugun boshqarma rahbariyati Uychi tumani IIBda bo‘lib, bo‘limdagi xizmat sohalarining joriy yil o‘tgan davri mobaynidagi ish faoliyatlari atroflicha tahlil qilinib, masʼul xodimlarning bu boradagi axborotlari tinglandi.
Shuningdek, bo‘limda fuqarolar va xodimlar uchun yaratilgan shart-sharoitlar, moddiy-texnik vositalar, xavfsizlik chora-tadbirlari hamda sohaga joriy etilgan zamonaviy texnologiyalar ko‘zdan kechirilib, aniqlangan kamchiliklarni bartaraf etish yuzasidan masʼul rahbarlarga aniq topshiriqlar berildi.
Namangan viloyati IIB Axborot xizmati
