Aziz yurtdoshlar, shahrimiz mehmonlari!

Muhtaram Prezidentimiz rahbarligida mamlakatimizda barcha sohalarda ulkan ishlar amalga oshirilmoqda.

Zero, bu islohotlarning samarasi barcha sohalarda qonunlar qogʻozda emas, amalda qatʼiy bajarilishi, yurtdoshlarimiz ularning natijasini kundalik hayotida doimo his qilishi zarurligiga muhim eʼtibor qaratilmoqda.

Albatta, bunday natijalarga erishishda barcha sohalarda qonun va adolat ustuvorligini taʼminlash, tinchlik va osoyishtalikni mustahkamlash faoliyatimizning asosiy mezoni hisoblanadi.

Ayniqsa, bu jarayonda, biz huquqbuzarliklarni oldini olish, jinoyatchilikka qarshi kurashish borasidagi oʻz ishimizni yangicha asosda tashkil etish boʻyicha zarur chora-tadbirlarni aniq belgilab oldik.

Aziz Namangan shahar ahli!

Biz jinoyatchilikni jilovlash, kriminogen vaziyatni barqaror saqlashdek katta maqsadlarni oʻz oldimizga qoʻyganmiz.

Prezidentimizning 2025-yil 3-yanvardagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi 1-son Qarori asosida jinoyatlarning sabablarini “mahallabay” va “sohabay” muhokama qilish tartibi, mahallalarni kriminogen darajasida toifalash tizimi, “mahalla yettiligi” instituti, “ijtimoiy profilaktika” tamoyili asosida huquqbuzarliklarning samarali profilaktikasini amalga oshirish orqali aholida xavfsizlik hissini shakllantirish borasida qator chora-tadbirlar amalga oshirilmoqda.

Qarorga muvofiq har bir mahallada huquqbuzarlikning erta oldini olish, kriminogen vaziyatni barqarorlashtirish boʻyicha yangi mexanizm joriy etildi, shahar prokuraturasida idoralararo muvofiqlashtiruvchi shtab tomonidan qator ishlar amalga oshirildi.

Qaror ijrosi doirasida shahardagi jami 62 ta mahallaning kriminogen vaziyati ogʻir 8 ta mahallasiga biriktirlgan rahbarlar tomonidan ishlar izchil davom ettirildi.

Barcha mahallalarda 2025-yilning 2-choragiga moʻljallangan “yoʻl xaritalari” ijrosi doirasida:

-mahallalardagi aholi gavjum joylarga 259 ta, bozor va savdo markazlariga yuzni va avtomobil raqamini tanib oluvchi 8 ta, jami 267 ta kameralar oʻrnatildi;

-koʻp qavatli uylarning eshiklariga 68 ta domofonlar, uylarning kirish yoʻlaklariga 45 ta tashvish tugmalari oʻrnatildi, 530 ta savdo muassasalari va xonadonlar tezkor qoʻriqlovga olindi;

-mahallalarda 28 ta “namunaviy xavfsiz koʻcha” hamda 50 ta “namunaviy xavfsiz yoʻlak” tashkil etildi, ichki yoʻllar va koʻchalar 42 ta yoritish vositalari bilan taʼminlandi.

Amalga oshirilgan ishlar natijasida qidiruvda boʻlgan 3 nafar, jazodan boʻyin tovlab kelayotgan probatsiya hisobidagi 3 nafar shaxslar hamda olib qochilgan 3 ta transport vositalari ushlandi, bedarak yoʻqolgan 9 nafar shaxslar topilib, 38 ta jinoyatlar “issiq izi”dan fosh etildi.

Qarorga asosan hududlarda kriminogen vaziyat hamda jinoyatchilikni oldini olish boʻyicha kunlik soʻrov va har bir jinoyatni obyektiv va subyektiv sabablarini tahlil qilish yoʻlga qoʻyilib, jinoyatchilikka qarshi kurashish faoliyati samaradorligini oshirishda sohaviy nazorat kuchaytirildi.

Joriy yilning oʻtgan davr davomida 25 ta oʻrganishlar oʻtkazilib, qonunbuzilishiga yoʻl qoʻyilgan holatlari yuzasidan belgilangan tartibda joylarga 110 ta taqdimnomalar kiritildi.

Taqdimnomalar muhokamasi natijasida mahallada oldini olish mumkin boʻlgan jinoyatlarni kelib chiqishiga sababchi boʻlgan 37 nafar mansabdor shaxslar intizomiy javobgarlikka tortildi.  

Aziz yurtdoshlar!

Shu oʻrinda, kriminogen vaziyatga taʼsir koʻrsatuvchi jinoyatlarning ayrim turlariga ham toʻxtalib oʻtmoqchimiz.

Shaharda joriy yilning oʻtgan davrida oldini olish mumkin boʻlgan jinoyatlar 172 tani tashkil etib, ularning 132 tasi yoki 76 foizi 4 turdagi, yaʼni, oʻgʻrilik, firibgarlik, tan jarohati yetkazish va yoʻl-transport hodisalarini tashkil etgan.

Shu bilan birga, mahallarlarda oʻgʻrilik (74 ta), bezorilik (14), tan jarohati yetkazish (15) jinoyatlarining salmogʻi yuqoriligicha qolmoqda.

Bundan tashqari, voyaga yetmaganlar (9-15), ayollar (6-17), yoshlar (33-51), guruhlar (11-13), mast holda (5-6) va muqaddam sudlanganlar (7-17) jinoyatlari oshgan.

Mahallalarda oldini olish mumkin boʻlgan jinoyatlar tahlili, ijtimoiy profilaktika obyekti boʻlgan shaxslar bilan manzilli profilaktik tadbirlar oʻtkazilishiga alohida eʼtibor qaratdik.

Bu jarayonga, mutasaddi idoralar va keng jamoatchilikni jalb qildik.

Natijada, oʻtkazilgan oʻrganishlarda kriminogen vaziyati ogʻir mahallalarda 138 ta ijtimoiy koʻmakka muhtoj xotin-qizlar aniqlanib, ularning muammolarini hal qilish boʻyicha 123 ta choralar koʻrildi.

Bulardan tashqari, 1.324 nafar ishsizlardan 687 nafari ishga joylashtirildi, 434 nafari kasbga oʻqitildi, 203 nafari esa, kasbga yoʻnaltirildi.

Ushbu jarayondan muqaddam sudlangan va maʼmuriy nazoratdagi shaxslar ham chetda qolmadi.

Ularning 4 nafari kasb-hunarga oʻqitildi, 3 nafarining bandligi taʼminlandi, 6 nafarining ijtimoiy muammolari hal etildi.

Shu kabi, voyaga yetmaganlar jinoyatiga favqulodda holat sifatida qaralib, ularga taʼlim va tarbiyani berishda majburiyatlarini bajarmagan ota-ona hamda yashash va oʻqish joylaridagi (mahalla yettiligi) mutasaddilarining javobgarligi kuchaytirildi.

Taʼlim muassasalari va jamoat joylarida masʼullar profilaktik (davomat, tigʻ va reyd) tadbirlarida uzoq muddatga ketgan 1578 nafar bolalar, muntazam dars qoldiruvchi 85 nafar, tarbiyasi ogʻir 15 nafar oʻquvchilar aniqlandi. Ularning 85 nafari maktablarga qaytarildi.

Qolaversa, hokimlik va mahalla faollari bilan birgalikda ota-ona qaramogʻidan mahrum boʻlgan hamda boquvchisini yoʻqotgan bolalarning 12 ta muammosi hal qilindi.

Maktabgacha va maktab taʼlim muassasalarining kirish-chiqish joylariga xavfsizlikni taʼminlovchi 19 ta zamonaviy kameralar oʻrnatildi.

Hurmatli fuqarolar!

Prokuratura organlari tomonidan Prezidentimiz talab qilayotgan, jinoyatlarning oqibatlari bilan emas, balki ularning sabablarini, huquqbuzaliklarga imkon beruvchi shart-sharoitlarni bartaraf etishni ustuvor vazifa sifatida belgilab olingan.

Bunda, mahallalarda huquqbuzarlik omillarini aniqlashga eʼtiborimizni kuchaytiramiz, jinoyat sodir etgan va bunga moyilligi bor fuqarolar bilan manzilli ishlash choralarini davom ettiramiz.

Huquqbuzarlik va jinoyatga sabab boʻlayotgan oilaviy, ijtimoiy, moddiy va psixologik muammolarni hal qilishga, har bir fuqaroda “jinoyatchilikka qarshi immunitet”ni shakllantirishga alohida eʼtibor qaratamiz.

Aziz hamyurtlar!

Huquqbuzarliklarni oldini olish, jinoyatchilikka qarshi kurashda biz nuroniylarimizga, mahalla faollariga, turli mehnat jamoalaridagi vatanparvar insonlarga, ularning amaliy yordami va faol hamkorligiga tayanamiz.

Aziz yurtdoshlar, keling, barchamiz shu yoʻlda muhtaram Prezidentimizga kamarbasta boʻlib, Namangan shahrini jinoyatchilikdan holi hududga aylantirishda birgalikda munosib hissa qoʻshaylik.

Namangan shahar prokurori K.Axmadjanov va shahar IIB boshligʻi U.Abduvaliyev