Qadrli otaxon va onaxonlar! Aziz yoshlar! Hurmatli hamshaharlar!

Soʻnggi yillarda muhtaram Prezidentimiz Shavkat Miromonovich rahbarligida “Inson qadri uchun” ezgu gʻoyasi asosida hududlarni ijtimoiy — iqtisodiy rivojlantirish, aholi yashash sharoitlari hamda mahallalar qiyofasini tubdan yaxshilash, aholining muammolarni tezkorlik bilan hal etish, bir soʻz bilan aytganda, xalqni rozi qilish borasida tizimli ishlar amalga oshirilmoqda.

Shuni taʼkidlash joizki, barcha idora va tashkilotlar hamda xalqimiz bilan birgalikda barcha sohalarda qonuniylikni mustahkamlash, jinoyatchilik va korrupsiyaga qarshi kurashish borasida muayyan ishlar amalga oshirildi.

Amalga oshirilgan ishlar va koʻrilgan choralarga qaramasdan shaharda oʻtgan 4 oyda oldini olish mumkin boʻlgan jinoyatlar 2024-yilning mos davriga nisbatan 42 taga (130/172) yoki 32,3 foizga, koʻpaygan.

Biroq, yaratib berilgan imkoniyatlarga qaramasdan ayrim shaxslar noqonuniy yoʻllar bilan boylik orttirish, fuqarolarni aldash va boshqa vositalar orqali ularning mol — mulkini  egallashga  urinishmoqda.

Ayniqsa, internet tarmogʻidan foydalangan holda fuqarolarga har xir turdagi taʼsir oʻtkazish orqali hisob raqamlaridagi pul mablagʻlarini  egallash  holatlari koʻplab uchramoqda.

Oʻtgan davrda, shaharda 177 ta kiberjinoyatlar, (88 ta 168 m, 82 ta 169 m) qayd etilib, 2024-yilning mos davriga nisbatan 166 taga (11/177) yoki 100 foizga koʻpayib, mazkur holat yuzasidan jinoyat ishlari qoʻzgʻatilgani buning yaqqol isbotidir.

Bundan tashqari, 32 nafar yoshlar tomonidan 31 ta jinoyatlar sodir  etilganligi tashvishlidir.

Achinarlisi, oilalardagi muhitni yaxshilash, ayniqsa, xotin — qizlarning muammolarini oʻrganib, hal etishga alohida eʼtibor qaratilayotgan bir vaqtda 16 nafar xotin — qizlar tomonidan 14 ta jinoyatlar sodir etildi.

Bundan tashqari, ayrim fuqarolarimizning beparvoligi oqibatida oʻzlariga tegishli mol — mulklar – texnika vositalari, chorva mollari yoki uy atroflarini qarovsiz qoldirgani oqibatida oʻgʻrilik jinoyatlari sodir etilishiga imkoniyat yaratib  berayotgani  ham  ayni  haqiqat.

Oqibatda, oʻtgan davrda 74 ta oʻgʻrilik, shaxslarning jamiyatda yurish qoidalarini buzib, boshqalarning sogʻligiga ziyon yetkazganligi boʻyicha 5 ta ogʻir, 5 ta yengil tan-jarohati yetkazish jinoyatlari qayd etildi.

Shuningdek, yoʻllarda avtomashinalar soni kundan — kunga ortib, haydovchilarning masʼuliyatini oshirmoqda.

Hurmatli yurtdoshlar !

Shu sababli, kelgusida hal etilishi lozim boʻlgan koʻplab masalalar  borligini barchamiz yaxshi tushunamiz.

Bundan kelib chiqqan holda masʼul idoralar va keng jamoatchilik bilan hamkorlikda quyidagi yangi tadbirlarni amalga oshirish yoʻlga  qoʻyilganini maʼlum qilmoqchiman.

Jinoyatlarning oldini olish, viloyatda kriminogen vaziyat barqarorligini taʼminlash boʻyicha kuchaytirilgan ish tartibi  joriy  etildi.

Shu maqsadda, mahallalardagi aholi gavjum joylarga 200 ta, koʻp qavatli uylarning hovlisiga 360 gradus aylanuvchi 15 ta, mahallalarning asosiy kirish-chiqish joylariga 50 ta, bozor va savdo markazlariga yuzni va avtomobil raqamini tanib oluvchi 10 ta, Mahallalardagi maktab va maktabgacha taʼlim muassasalarining kirish-chiqish joylariga (tashqi tomonda) 23 ta PTZ-kameralari, Mahallalardagi maktablarning ochiq sport maydonlariga 9 ta PTZ-kameralari, jami boʻlib 307 ta kameralar,

-koʻp qavatli uylarning eshiklariga 96 ta domofonlar, uylarning kirish yoʻlaklariga 33 ta tashvish tugmalari oʻrnatildi, 64 ta savdo muassasalari va 700 ta xonadonlar tezkor qoʻriqlovga olindi.

-mahallalarda 35 ta “namunaviy xavfsiz koʻcha” hamda 99 ta “namunaviy xavfsiz yoʻlak” tashkil etildi, ichki yoʻllar va koʻchalar 95 ta yoritish vositalari bilan taʼminlandi.

Natijada, mazkur vositalar kirminogen vaziyatni nazorat qilish, sodir etilgan jinoyatlar boʻyicha shaxslarni tezkorlik bilan izlab topish hamda jinoyatga jazo muqarrarligi taʼminlashga salmoqli hissa qoʻshmoqda.

Bundan tashqari, sodir etilgan jinoyatlarni har kuni tezkor tahlil qilib, manzilli tadbirlarni belgilash, kunlik soʻrov va nazorat tizimi yoʻlga  qoʻyildi.

Shu bilan birgalikda, tergov sifati yanada oshiriladi,bu jarayonlarda inson huquq va erkinliklari poymol etilishiga yoʻl qoʻyilmaydi.

Qaysi idorada boʻlmasin, har bir tekshiruv hamda tergov ishi  ichki ishlarning kundalik va qatʼiy nazoratida boʻladi.

Bundan buyon korrupsiyaga qarshi kurashish borasida barcha davlat va nodavlat tuzilmalari, hokimliklar, keng jamoatchilik vakillari bilan hamkorlikni yangi bosqichga olib chiqamiz, jamiyatning barcha qatlamlari salohiyatini birlashtirish yoʻlidan boramiz.

Jamiyatda korrupsiyaga qarshi murosasizlik muhitini shakllantirishning barcha choralarini koʻramiz.

Albatta, shaharimizda jinoyatchilik va korrursiyaning oldini olishda, umuman barcha sohalarda qonuniylikni taʼminlashda, eng avvalo, mahalla ahli, yoshlar va nuroniy tashkilotlar faollariga, turli mehnat jamoalaridagi jonkuyar va vatanparvar insonlarga, ularning amaliy yordami va hamkorligiga tayanamiz.

Agarda har bir fuqaro shaharimizni jinoyatdan, korrupsiyadan holi, tinch va xavfsiz oʻlkaga aylantirishga oʻz hissasini qoʻshsa, barchamiz bir tanu bir jon boʻlib, birgalikda kurashsak koʻzlangan maqsadga albatta erishamiz.

Qadrli hamshaharlar !

Jinoyatchilikning oldini olishda har birimiz xushyorlikni oshirishimiz, shubhali internet ilovalariga kirmaslik, notanish shaxslarga hisob raqamlar va tasdiqlash kodlarini bermaslik, mol — mulklarni qarovsiz qoldirmaslik lozimligi haqida yana bir bor ogohlantirib oʻtmoqchiman.

Qonunlarga qatʼiy rioya etish, oʻzgalar huquqi, shaʼni va qadr qimmatini, mol — mulki daxlsizligini hurmat qilish, oila mustahkamligini taʼminlash, jamiyatda yurish — turish qoidalariga rioya qilish, ham qonuniy, ham insoniy burchimiz ekanini ham doimo yodda tutishimiz zarur.

Aziz hamshaharlar, keling, barchamiz shu yoʻlda muhtaram Prezidentimizga yelkadosh boʻlib, qonun ustuvor, adolat hukmron boʻlgan  jamiyatni birgalikda barpo etaylik !

Umarjon Abduvaliyev

Namangan shahar IIB boshligʻi