Mingbuloq tumanida 3ta avtomashina ishtirokida YTH sodir bo‘ldi.
2020 yil 15 sentyabr' kuni soat 11:00 larda, Baliqchi-Jomashuy-Pungon yo‘lining 31 km.da, Mingbuloq tumani Qo‘riqobod MFY hududida, Mingbuloq tumanida yashovchi, 1997 yilda tug‘ilgan fuqaro Damas rusumli avtomashinasini boshqarib borayotib, harakat xavfsizligini ta'minlay olmay, shu yo‘nalishda o‘zidan oldinda harakatlanib ketayotgan, Chust tumanida yashovchi, 1992 yilda tug‘ilgan fuqaro boshqaruvidagi Lasetti rusumli avtomashinasini orqa qismiga urilib, boshqaruvni yo‘qotib, yo‘lning qarama-qarshi tomoniga o‘tib ketib, qarshisidan harakatlanib kelayotgan, Uchqo‘rg‘on tumanida yashovchi, 1979 yilda tug‘ilgan fuqaro boshqaruvidagi Damas rusumli avtomashinasi bilan to‘qnashgan.
Natijada, Damas rusumli avtomashinasi haydovchisi 1979 yilda tug‘ilgan fuqaro bosh miya chayqalishi, chap oyoq chap tizza sohalari yirtilishi hamda shu avtomashinada bo‘lgan yo‘lovchi, Uchqo‘rg‘on tumanida yashovchi, 1971 yilda tug‘ilgan fuqaro bosh miya chayqalishi, ikkala oyoq boldir sohalari shilinishi tashxisi bilan shifoxonaga murojaat qilganlar.
Ushbu holat bo‘yicha tuman IIB huzuridagi TB tomonidan 2020 yil 6 oktyabr' kuni O‘z.R JKning 266-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
