Maktab o‘quvchisi tilla uzuklarni o‘g‘irlab ketdi.
Joriy yil 27 aprel' kuni, Yangiqo‘rg‘on tumanida yashovchi, 1998 yilda tug‘ilgan ayol ariza bilan murojaat qilib, shu yil 27 aprel' kuni soat 08:00 larda noma'lum shaxs, yashash uyi yotoqxonasidagi shkafda bo‘lgan narxi 1.000.000 so‘mlik 2 dona tilla uzuklarini o‘g‘irlab ketganligini ma'lum qilib, chora ko‘rishni so‘ragan.
Yangiqo‘rg‘on tuman IIB JSTG kinologi, HPB profilaktika inspektori, JQB tezkor vakili va Tashkiliy bo‘linma boshliqlari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Yangiqo‘rg‘on tumanida yashovchi, tumandagi maktabning 11-sinf o‘quvchisi, 2003 yilda tug‘ilgan qiz sodir etganligi aniqlangan.
Ushbu holat bo‘yicha tuman IIB huzuridagi TB tomonidan 169-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
