Kurka va qo‘ylarni o‘g‘irlagan shaxslar qo‘lga olindi
2022 yil 9 fevral kuni, Pop tumanida yashovchi, 1975 yilda tug‘ilgan fuqaro ariza bilan murojaat qilib, shu yil 2 fevral kuni soat 12:00 dan 15:00 gacha qadar bo‘lgan vaqt oralig‘ida noma'lum shaxs, Pop tumani hududida joylashgan dala shiyponida hech kim yo‘qligidan foydalanib, qo‘yxonasida bo‘lgan narxi 5.400.000 so‘mlik 8 bosh qo‘ylari va narxi 200.000 so‘mlik kurkasini o‘g‘irlab ketganligini ma'lum qilib, chora ko‘rishni so‘ragan.
Mazkur holat bo‘yicha Pop tuman IIB huzuridagi TB tergovchisi, JQB tezkor vakili, EKG katta eksperti va HPMB profilaktika inspektorlari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Farg‘ona viloyati Uchko‘prik tumanida yashovchi, 1992 yilda tug‘ilgan va Toshkent viloyati O‘rta Chirchiq tumanida yashovchi, 1999 yilda tug‘ilgan fuqarolar ekanliklari aniqlangan.
Ushbu holat bo‘yicha Pop tuman IIB huzuridagi TB tomonidan 2022 yil 9 fevral kuni O‘z.R JKning 169-moddasi 2-qismi bilan jinoyat ishi qo‘zg‘atilgan.
Namangan viloyati IIB Axborot xizmati
