Yo‘lovchining yonidan «gashish» giyohvandlik moddasi topildi.
2023 yil 18 aprel kuni Chust tuman IIB boshlig‘i o‘rinbosari, JQB xodimlari tomonidan o‘tkazilgan tezkor tadbir davomida Chust tuman «Kamarsada» MFY hududida 1993 yilda tug‘ilgan fuqaro boshqaruvidagi «Spark» rusumli avtomashina to‘xtatilib, holislar ishtirokida ko‘zdan kechirilganida, avtomashinada bo‘lgan yo‘lovchi shimining o‘ng cho‘ntagidan 11 dona, kurtkasining ichki cho‘ntagidan yelim paketga o‘ralgan, o‘tkir hidli modda borligi aniqlanib, tekshirib ko‘rish uchun olingan. Viloyat IIB EKMning xulosasiga ko‘ra, ushbu moddalarning sof og‘irligi 48.13 gramm bo‘lgan «gashish» giyohvandlik moddasi ekanligi ko‘rsatilgan.
Ushbu holat bo‘yicha tuman IIB huzuridagi TB tomonidan JKning 273-moddasi 5-qismi bilan jinoyat ishi qo‘zg‘atilgan.
Namangan viloyati IIB Axborot xizmati
