Ikki velosipedni o‘g‘irlagan shaxs qo‘lga olindi.
2021 yil 7 sentyabr' kuni, Uchqo‘rg‘on tumanida yashovchi, 1981 yilda tug‘ilgan fuqaro ariza bilan murojaat qilib, shu kunga o‘tar kechasi noma'lum shaxs, yashash hovlisining orqa tomonidagi ochiq qolgan eshigi orqali kirib, narxi 2.500.000 so‘mlik “FOX” nomli velosipedini o‘g‘irlab ketganligini ma'lum qilib, chora ko‘rishni so‘ragan.
Uchqo‘rg‘on tuman IIB JQB tezkor vakillari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Uchqo‘rg‘on tumanida yashovchi, 1976 yilda tug‘ilgan fuqaro sodir etganligi aniqlangan.
Shuningdek, u jinoiy harakatlarini davom ettirib, shu yil 8 avgust kuni soat 13:40 larda, Uchqo‘rg‘on shahar Chek MFYda joylashgan tuman Tibbiyot birlashmasi hovlisida turgan, Uchqo‘rg‘on tumanida yashovchi, 1990 yilda tug‘ilgan fuqaroning narxi 1.100.000 so‘mlik velosipedini o‘g‘irlab ketganligi aniqlangan.
Ushbu holat bo‘yicha Uchqo‘rg‘on tuman IIB huzuridagi TB tomonidan 2021 yil 8 sentyabr' kuni O‘z.R JKning 169-moddasi 3-qismi bilan jinoyat ishi qo‘zg‘atilgan.
Namangan viloyati IIB Axborot xizmati
