IIOga ishga kirish uchun topshiriladigan test javoblarini sotmoqchi bo‘lgan fuqaro aniqlandi
2023-yil 21-iyun kuni Namangan tumanida yashovchi fuqaro IIV SHXBB Namangan viloyati bo‘yicha boshqarmasi boshlig‘i nomiga ariza bilan murojaat qilib, o‘zini To‘raqo‘rg‘on tumanida yashovchi M. deb tanishtirgan shaxs “telegram” messenjeridagi profili orqali IIOga ishga kirish uchun topshiriladigan psixologik testlarni javoblari borligini, ushbu to‘g‘ri javoblarni 100.000 so‘mdan sotishini aytganini maʼlum qilib, chora ko‘rishni so‘ragan. IIV SHXBB Namangan viloyati bo‘yicha boshqarmasi xodimlari tomonidan shu kuni o‘tkazilgan tezkor tadbir davomida arizada nomi keltirilgan shaxs test javoblarini berish evaziga o‘zining 98603329****2729 raqamli bank plastik kartasiga 100.000 so‘m pullarni qabul qilganligi aniqlangan. Ushbu holat bo‘yicha shahar IIO FMB huzuridagi TB tomonidan JKning 168-moddasi 3-qismi bilan jinoyat ishi qo‘zg‘atilgan.
Namangan viloyati IIB Axborot xizmati
