O‘zbekiston Respublikasi davlat mustaqilligining o‘ttiz to‘rt yillik bayramini viloyatimizning barcha shahar va tuman markazlarida munosib kutib olish, “Vatan uchun, millat uchun, xalq uchun!” shioriga asoslangan tashkiliy hamda maʼnaviy-maʼrifiy tadbirlarni o‘tkazish, aholining xavfsizligini taʼminlash huquqni muhofaza qiluvchi organlar zimmasiga asosiy vazifa etib belgilandi.

Shu munosabat bilan bugun Ichki ishlar vazirining birinchi o‘rinbosari, viloyat IIB boshlig‘i, Milliy gvardiya boshqarmasi rahbari, Davlatobod tuman hokimi hamda boshqa masʼul rahbarlar ishtirokida Davlatobod tumanidagi “Yangi O‘zbekiston bog‘i” amfiteatri ko‘zdan kechirildi. Unda tashrif buyuruvchilar xavfsizligi va yaratilgan shart-sharoitlar o‘rganildi.

Shuningdek, xavfsizlikni taʼminlash uchun biriktirilgan xodimlar va mutasaddi tashkilot vakillariga bayram tadbirlari davomida hushyorlikni oshirish, belgilangan tartib-qoidalarga qatʼiy amal qilish hamda xizmatni yuqori masʼuliyat bilan o‘tash bo‘yicha tegishli topshiriqlar berildi.

Namangan viloyati IIB Axborot xizmati