7 Avgust 2021 yil
517
Hujjatsiz avtomashina boshqargan haydovchi YTH sodir etdi.
2021 yil 1 avgust kuni soat 20:30 larda, Yog‘du-Uchqo‘rg‘on yo‘lining 7 km.da, Uchqo‘rg‘on tumani Qumto‘g‘on MFY hududida, Uchqo‘rg‘on tumanida yashovchi, 2002 yilda tug‘ilgan fuqaro Neksiya rusumli avtomashinani hech qanday hujjatlarsiz boshqarib borayotib, harakat xavfsizligini ta'minlay olmay, yo‘lni kesib o‘tayotgan piyoda, Uchqo‘rg‘on tumanida yashovchi, 1974 yilda tug‘ilgan ayolni urib yuborgan.
Natijada, piyoda chap umrov suyagini yopiq sinishi tashxisi bilan tan jarohati olib, shifoxonaga yotqizilgan.
Ushbu holat bo‘yicha Uchqo‘rg‘on tuman IIB huzuridagi TB tomonidan 2021 yil 6 avgust kuni O‘z.R JKning 266-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
