Hayvon o‘g‘risi qo‘lga olindi
2022 yil 19 fevral kuni, Namangan shahrida yashovchi, 1963 yilda tug‘ilgan fuqaro ariza bilan murojaat qilib, shu yil 18 fevral kuni soat 14:00 dan soat 16:00ga qadar bo‘lgan vaqt oralig‘ida noma'lum shaxs, yashash uyi oldiga bog‘lab qo‘ygan narxi 5.000.000 so‘mlik bir bosh qo‘yini o‘g‘irlab ketganligini ma'lum qilib, chora ko‘rishni so‘ragan.
Namangan shahar IIO FMB 1-sonli IIB JQB tezkor vakili PMB profilaktika inspektorlari tomonidan olib borilgan tezkor-qidiruv va surishtiruv harkatlari natijasida, ushbu jinoyatni, Namangan shahrida yashovchi, 2001 yilda tug‘ilgan fuqaro sodir etganligi aniqlangan.
Ushbu holat bo‘yicha Namangan shahar IIO FMB huzuridagi TB tomonidan 2022 yil 21 fevral kuni O‘z.R JKning 169-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
