“Xavfsiz va sog‘lom yurt” tezkor-profilaktik tadbirlarida fuqaroning yashash uyida giyohvand modda aniqlandi
Joriy yilning 17-iyul kuni viloyat xududida o‘tkazilayotgan “Xavfsiz va sog‘lom yurt” hamda “Qoradori-2025” tadbirlari davomida, DXX tuman bo‘limi va Chortoq tumani IIB xodimlari tomonidan, Chortoq tumani, “Ora-ariq” mahallasida yashovchi, 1974-yilda tug‘ilgan, fuqaro Y.Mning yashash uyi xolislar ishtirokida ko‘zdan kechirilganida, yer to‘lasida sof og‘irligi 10,80 gramm bo‘lgan “Marixuana”, sof og‘irligi 0,17 gramm bo‘lgan “Gashish” hamda og‘irligi 0,36 gramm bo‘lgan tarkibida giyohvandlik moddalari tetragidrokannabinol, morfin, kodein va tebainlar moddalari saqlamaydigan ko‘knor o‘simligi urug‘lari borligi aniqlangan.
Mazkur holat yuzasidan Chortoq tumani IIB huzuridagi Tergov bo‘linmasi tomonidan O‘zbekiston Respublikasi JKning 276-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.
Namangan viloyati IIB Axborot xizmati
