2021 yil 25 noyabr kuni viloyat IIB JQB bo‘lim boshlig‘i va katta tezkor vakillari tomonidan Namangan shahar Davlatobod tumanida shubhali harakatlar sodir etgan, Namangan shahar Davlatobod tumanida yashovchi, 1995 yilda tug‘ilgan fuqaroni holislar ishtirokida yoni ko‘zdan kechirilganida egnidagi shimi cho‘ntagida sigaret qutisida 15 dona bo‘laklarga bo‘lingan to‘q jigarrang rangli, o‘tkir xidli giyohvand moddaga o‘xshash moddalarni saqlayotganligi aniqlanib, tekshirib ko‘rish uchun olingan.

Fuqaro ushbu giyohvand moddalarga o‘xshash moddalarni tanishi, Namangan shahrida yashovchi, 1986 yilda tug‘ilgan fuqarodan olganligini ma'lum qilganligi sababli, vaqtinchalik yashab kelayotgan, Namangan shahar Davlatobod tumanidagi xonadoni xolislar  ishtirokida tekshirilganida yotoqxonasidagi shkaf ichidan bir bo‘lak to‘q jigarrang rangli, o‘tkir xidli giyohvand moddaga o‘xshash moddalarni saqlab kelayotganligi aniqlangan.

Namangan viloyat IIB EKBning hulosasida, fuqaroni cho‘ntagidan olingan moddaning sof og‘irligi 14,83 gramm va xonadondan olingan moddaning sof og‘irligi 5,1 gramm bo‘lgan “Gashish” giyohvandlik moddalari ekanligi ko‘rsatilgan.

Ushbu holat bo‘yicha Namangan shahar IIO FMB huzuridagi TB tomonidan 2021 yil 26 noyabr kuni O‘z.R JKning 276-moddasi 2-qismi bilan jinoyat ishi qo‘zg‘atilgan.

Namangan viloyati IIB Axborot xizmati