Do‘kondan palto o‘g‘irlagan ayol ushlandi
Shu yil 12 dekabr' kuni, Namangan shahar Davlatobod tumanida yashovchi, 1992 yilda tug‘ilgan fuqaro ariza bilan murojaat qilib, 11 dekabr' kuni soat 11:30 larda noma'lum shaxs, Namangan shahrida joylashgan savdo majmuasining 17-sonli do‘konda hech kim yo‘qligidan foydalanib, do‘kon tashqarisiga ko‘rgazma uchun qo‘yilgan narxi 3.000.000 so‘mlik ayollar pal'tosini o‘g‘irlab ketganligini ma'lum qilib, chora ko‘rishni so‘ragan.
Shahar IIO FMB JQB tezkor vakillari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Namangan shahrida yashovchi, 1960 yilda tug‘ilgan ayol sodir etganligi aniqlangan.
Ushbu holat bo‘yicha Namangan shahar IIO FMB huzuridagi TB tomonidan 2021 yil 13 dekabr' kuni O‘z.R JKning 169-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
