Devor oshgan o‘g‘ri zotdor xo‘rozni o‘g‘irladi
2022 yil 10 yanvar kuni, Pop tumanida yashovchi, 1958 yilda tug‘ilgan fuqaro ariza bilan murojaat qilib, shu yil 1 yanvar kuni soat 17:30 dan soat 19:30 gacha bo‘lgan vaqt oralig‘ida noma'lum shaxs, hovlisiga devor o‘ralmagan joyidan kirib, hovlisidagi tovuqxonasidan bir dona narxi 1.500.000 so‘mlik zotdor xo‘rozini o‘g‘irlab ketganligini ma'lum qilib, chora ko‘rishni so‘ragan.
Mazkur holat bo‘yicha Pop tuman IIB JQB tezkor vakili va HPMB profilaktika inspektori hamda viloyat IIB PPXB 3-otryad xodimlari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Pop tumanida yashovchi, 1986 yilda tug‘ilgan fuqaro sodir etganligi aniqlangan.
Ushbu holat bo‘yicha Pop tuman IIB huzuridagi TB tomonidan 2022 yil 10 yanvar kuni O‘z.R JKning 169-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
