Dala hovlidan 3 million so‘mlik mol o‘g‘irlandi
2021 yil 3 avgust kuni, Chortoq tumanida yashovchi, 1989 yilda tug‘ilgan fuqaro ariza bilan murojaat qilib, shu kuni soat 16:00 larda noma'lum shaxs, Namangan shahar Davlatobod tumani hududida joylashgan dala hovlisidan narxi 3.000.000 so‘mlik bir bosh molini o‘g‘irlab ketganligini ma'lum qilib, chora ko‘rishni so‘ragan.
Namangan shahar Davlatobod tumani IIB JQB tezkor vakili tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Namangan shahrida yashovchi, 1995 yilda tug‘ilgan va Namangan shahrida yashovchi, 1998 yilda tug‘ilgan fuqarolar sodir etganliklari aniqlangan.
Ushbu holat bo‘yicha Namangan shahar Davlatobod tumani IIB huzuridagi TB tomonidan 2021 yil 5 avgust kuni O‘z.R JKning 169-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
