Chortoqda o‘quvchining telefonini o‘g‘irlagan shaxs qo‘lga olindi.
2021 yil 17 iyul' kuni, Chortoq tumanida yashovchi, 1981 yilda tug‘ilgan ayol ariza bilan murojaat qilib, shu kuni soat 09:30 larda, Chortoq tumanida joylashgan maktab yonida noma'lum shaxs, birga yashovchi, tumandagi maktabning 5-sinf o‘quvchisi, 2010 yilda tug‘ilgan o‘g‘lini qo‘lida bo‘lgan narxi 3.000.000 so‘mlik “Samsung A-51” rusumli uyali telefon apparatini o‘g‘irlab ketganligini ma'lum qilib, chora ko‘rishni so‘ragan.Chortoq tuman IIB JQB tezkor vakili va HPB profilaktika katta inspektorlari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Chortoq tumanida yashovchi, 2000 yilda tug‘ilgan fuqaro sodir etganligi aniqlangan.Ushbu holat bo‘yicha Chortoq tuman IIB huzuridagi TB tomonidan 2021 yil 17 iyul' kuni O‘z.R JKning 169-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
