Bozor hududiga kirganingizda hamyoningizga ehtiyot bo‘ling!
Joriy yil 3 may kuni, Namangan tumanida yashovchi, 1976 yilda tug‘ilgan ayol ariza bilan murojaat qilib, 2 may kuni soat 09:00 larda noma'lum shaxs, Namangan tumani Katta Toshbuloq MFY hududida joylashgan “Toshbuloq dexqon bozori”da savdo qilib yurgan vaqtida sumkasidan 350.000 so‘m pullarini o‘g‘irlab ketganligini ma'lum qilib, chora ko‘rishni so‘ragan.
Namangan tuman IIB HPB profilaktika inspektori O.Mamasherov va JQB tezkor vakili tomonidan olib borilgan tezkor qidiruv va surishtiruv harakatlari natijasida, ushbu jinoyatni, Namangan shahrida yashovchi, 1987 yilda tug‘ilgan fuqaro sodir etganligi aniqlangan va daliliy ashyo olingan.
Ushbu holat bo‘yicha tuman IIB huzuridagi TB tomonidan O‘z.R JKning 169-moddasi 2-qismi bilan jinoyat ishi qo‘zg‘atilgan.
Namangan viloyati IIB Axborot xizmati
