Bozor hududiga kirganingizda avtomashinangizni ochiq holda qoldirmang!
2021 yil 8 avgust kuni Namangan shahar Davlatobod tumanida yashovchi, 1997 yilda tug‘ilgan fuqaro ariza bilan murojaat qilib, shu yil 06 avgust kuni soat 23:00larda, Davlatobod tumani hududida joylashgan Yashil dexqon bozori oldida ishonch qog‘ozi orqali boshqaruvida bo‘lgan Neksiya rusumli avtomashinani qarovsiz qoldirib ketganligidan foydalangan, Namangan shahrida yashovchi, 1999 yilda tug‘ilgan fuqaro avtomashinani olib ketganligini ma'lum qilib, chora ko‘rishni so‘ragan.
Olib borilgan tezkor-qidiruv va surishtiruv harakatlari natijasida, avtomashina Namangan shahrida yashovchi, 2003 yilda tug‘ilgan fuqaroning yashash xonadonida ekanligi aniqlangan.
Ushbu holat bo‘yicha Namangan shahar Davlatobod tumani IIB huzuridagi TB tomonidan 2021 yil 08 avgust kuni O‘z.R JKning 267-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
