Bir kunda bir necha o‘g‘irlik sodir etgan shaxs ushlandi
2021 yil 30 noyabr' kuni, Namangan tumanida yashovchi, 1988 yilda tug‘ilgan fuqaro ariza bilan murojaat kilib, shu yil 28 noyabr' kuni soat 09:00 larda, Namangan tumani hududida joylashgan “Toshbuloq dehqon bozori”da savdo qilib yurgan vaqtida noma'lum shaxs, qo‘lida bo‘lgan sumkasidan narxi 1.870.000 so‘mlik “Infinix HOT LITE” rusumli uyali telefon apparatini o‘g‘irlab ketganligini ma'lum qilib, chora ko‘rishni so‘ragan.
Namangan tuman IIB JQB tezkor vakili va HPMB profilaktika inspektorlari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Uychi tumanida yashovchi, 1976 yilda tug‘ilgan fuqaro sodir etganligi aniqlangan.
Bundan tashqari, shu kuni soat 09:30 larda, Namangan tumani dehqon bozorida savdo qilayotgan, Namangan tumanida yashovchi, 1992 yilda tug‘ilgan fuqaroni savdo rastasida turgan qop xaltasidan narxi 3.000.000 so‘mlik bir dona “Samsung A21” rusumli uyali telefon apparatini, avtomashina pulti va 2.500.000 so‘m pullarini o‘g‘irlab ketganligi aniqlangan.
Ushbu holat bo‘yicha Namangan tuman IIB huzuridagi TB tomonidan 2021 yil 30 noyabr' kuni O‘z.R JKning 169-moddasi 3-qismi bilan jinoyat ishi qo‘zg‘atilgan.
Namangan viloyati IIB Axborot xizmati
