Avtomobilingizni qarovsiz qoldirmang.
2021 yil 10 yanvar' kuni soat 18:30 larda, Yangiqo‘rg‘on tumanida yashovchi, 1990 yilda tug‘ilgan fuqaro ariza bilan murojaat qilib, shu yil 10 yanvar' kuni soat 18:00 larda, yashash uyi oldida o‘ziga tegishli Neksiya-2 rusumli avtomashinasini kalitini o‘zida qarovsiz qoldirib, yashash uyiga kirib ketganligidan foydalangan noma'lum shaxs, avtomashinasini o‘g‘rilab ketganligini ma'lum qilib, chora ko‘rishni so‘ragan.
Olib borilgan tezkor-qidiruv va surishtiruv harakatlari natijasida, ushbu jinoyatni, Yangiqo‘rg‘on tumanida yashovchi, 1979 yilda tug‘ilgan fuqaro sodir etganligi aniqlangan.
Neksiya-2 rusumli avtomashina Yangiqo‘rg‘on tuman IIB hovlisiga tortilgan.
Ushbu holat bo‘yicha Yangiqo‘rg‘on tuman IIB huzuridagi TB tomonidan 2021 yil 12 yanvar' kuni O‘z.R JKning 267-moddasi 1-qismi bilan jinoyat ishi qo‘zg‘atilgan.
Namangan viloyati IIB Axborot xizmati
