Avtomashina salonidan “Gashish” topildi.
2021 yil 24 avgust kuni soat 18:30 larda, Uchqo‘rg‘on tumani Elatan MFY hududida tashkil etilgan ko‘chma harakatlanuvchi postda, xizmat olib borayotgan, Uchqo‘rg‘on tuman IIB TEQKB tezkor vakili tomonidan, Norin tumanida yashovchi, 1975 yilda tug‘ilgan fuqaroni boshqaruvidagi Neksiya rusumli avtomashinasi xolislar ishtirokida ko‘zdan kechirilganida, avtomashina salonidan o‘tkir hidli ko‘kimtir rangli giyohvand moddasiga o‘xshash moddalar borligi aniqlanib, tekshirib ko‘rish uchun olingan.
Namangan viloyati IIB EKBning xulosasiga ko‘ra, ushbu moddaning sof og‘irligi 0,77 gramm bo‘lgan “Gashish” giyohvandlik moddasi ekanligi ko‘rsatilgan.
Ushbu holat bo‘yicha Uchqo‘rg‘on tuman IIB huzuridagi TB tomonidan 2021 yil 25 avgust kuni O‘z.R JKning 276-moddasi 2-qismi bilan jinoyat ishi qo‘zg‘atilgan.
Namangan viloyati IIB Axborot xizmati
