Avtomashina oynalarini o‘g‘irlagan shaxs qo‘lga olindi.
2021 yil 1 oktyabr kuni, Namangan shahar Davlatobod tumanida yashovchi, 1971 yilda tug‘ilgan fuqaro ariza bilan murojaat qilib, shu yil 1 oktyabr' kuniga o‘tar kechasi noma'lum shaxs, Davlatobod tumani hududida joylashgan avtomashinalarga xizmat ko‘rsatish ustaxonasi eshigi oynasini sindirish yo‘li orqali kirib, mijozga tegishli bo‘lgan VAZ-2107 rusumli avtomashinasini umumiy narxi 1.400.000 so‘mlik 4 dona avtomashina eshik oynalari va qo‘shimcha ehtiyot qismlarini o‘g‘irlab ketganligini ma'lum qilib, chora ko‘rishni so‘ragan.
Namangan shahar IIO FMB Davlatobod tumani IIB JQB tezkor vakillari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Namangan shahar Davlatobod tumanida yashovchi, 2018 yilda O‘z.R JKning 273-moddasi 2-qismi bilan sudlangan, 1985 yilda tug‘ilgan fuqaro sodir etganligi aniqlangan.
Ushbu holat bo‘yicha Namangan shahar IIO FMB Davlatobod TIIB huzuridagi TB tomonidan 2021 yil 3 oktyabr kuni O‘z.R JKning 169-moddasi 2-qismi bilan jinoyat ishi qo‘zg‘atilgan.
Namangan viloyati IIB Axborot xizmati
