13 Iyul 2023 yil
399
30 million so‘mlik ikki bosh mol hayvoni o‘g‘irlandi
Joriy yilning 5-iyul kuni Chust tumanida yashovchi, 1994-yilda tug‘ilgan ayol ariza bilan murojaat qilib, shu yil 1-iyul kuniga o‘tar kechasi nomaʼlum shaxs yashash uyi orqa tomonidagi ko‘chada bog‘lab qo‘yib, qarovsiz qoldirgan narxi 30.000.000 so‘mlik ikki bosh mollarini o‘g‘irlab ketganligini maʼlum qilib, chora ko‘rishni so‘ragan. Tuman IIB JQB tezkor vakillari tomonidan olib borilgan tezkor-qidiruv tadbirlari natijasida ushbu jinoyatni Chust tumani Tepaqo‘rg‘on MFYda yashovchi 2 nafar shaxslar tomonidan sodir etilganligi aniqlangan.
Ushbu holat bo‘yicha tuman IIB huzuridagi TB tomonidan JKning 169-moddasi 2-qismi bilan jinoyat ishi qo‘zg‘atilgan.
Namangan viloyati IIB Axborot xizmati
