Joriy yil 17 sentyabr' kuni o‘tkazilgan “Qoradori-2020” tadbiri davomida Mingbuloq tuman IIB JQB tezkor vakillari tomonidan tumandagi “Oybek” mahallasi hududida bemaqsad yurgan fuqaroni to‘xtatilib, holislar ishtirokida yoni ko‘zdan kechirilganida, egnida bo‘lgan shimining old chap cho‘ntagidan o‘tkir hidli, ko‘kimtir rangli giyohvand moddasiga o‘xshash modda borligi aniqlanib, tekshirib ko‘rish uchun tuman IIBga olingan.

Namangan shahar IIO FMB EKBning xulosasiga ko‘ra, ushbu moddaning sof og‘irligi 3,33 gramm bo‘lgan “Marixuana” giyohvandlik moddasi ekanligi ko‘rsatilgan.

Ushbu holat bo‘yicha tuman IIB huzuridagi TB tomonidan 2020 yil 26 sentyabr' kuni O‘z.R JKning 276-moddasi 1-qismi bilan jinoyat ishi qo‘zg‘atilgan.

26 sentyabr' kuni o‘tkazilgan “Qoradori-2020” tadbiri davomida, Namangan tuman IIB JQB katta tezkor vakillari va HPB profilaktika inspektorlari tomonidan Katta Toshbuloq mahallasi hududida yurgan fuqaroning yoni holislar ishtirokida ko‘zdan kechirilganida, egnida bo‘lgan shimining old o‘ng cho‘ntagidan qora yelim paketga o‘ralgan, o‘tkir hidli, ko‘kimtir rangli modda borligi aniqlanib, tekshirib ko‘rish uchun tuman IIBga olingan.

Viloyat IIB EKBning xulosasiga ko‘ra, ushbu moddaning sof og‘irligi 1,93 gramm bo‘lgan “Marixuana” giyohvandlik moddasi ekanligi ko‘rsatilgan.

Ushbu holat bo‘yicha tuman IIB huzuridagi TB tomonidan 2020 yil 27 sentyabr' kuni O‘z.R JKning 276-moddasi 1-qismi bilan jinoyat ishi ko‘zg‘atilgan.

Namangan viloyati IIB Axborot xizmati