Хавфсиз маҳалла — тинчлик ва барқарорлик гарови.

Ҳурматли Учқўрғон тумани аҳолиси!

Бугунги кунда мамлакатимизда “Хавфсиз маҳалла — хавфсиз жамият” тамойилини амалда таъминлаш ҳар бир фуқаро учун муҳим вазифадир. Ички ишлар органлари ва жамоатчилик ҳамкорлиги орқали маҳаллаларда тинчлик ва осойишталикни таъминлаш бўйича тизимли ишлар амалга оширилмоқда.

Ўзбекистон Республикасининг “Ички ишлар органлари тўғрисида”ги Қонунининг 5-моддасига мувофиқ, ички ишлар органлари фуқароларнинг ҳуқуқ ва эркинликларини ҳимоя қилиш ҳамда жамоат тартибини сақлашда фуқаролар билан ҳамкорликда иш олиб бориши лозим.

Туманимизда маҳалла фаоллари, профилактика инспекторлари ва фуқаролар иштирокида турли профилактик тадбирлар, суҳбатлар ва акциялар ташкил этилмоқда. Ҳар биримиз жамоат хавфсизлиги учун масъул эканимизни унутмаслигимиз керак.

Биргаликда тинчликни асрайлик — хавфсиз муҳитни яратиш ҳар биримизнинг бурчимиздир!

Ёшлар ўртасида ҳуқуқбузарликларнинг олдини олиш — келажак кафолати

Азиз ёшлар ва қадрли ота-оналар!

Ёш авлод — мамлакатимиз келажаги, юртимиз тараққиётининг асосий кучи. Шу сабабли, уларнинг онги ва дунёқарашини соғлом руҳда тарбиялаш, ҳуқуқбузарлик ва жиноятчиликдан ҳимоя қилиш — барчамизнинг вазифамиздир.

Ўзбекистон Республикасининг “Ёшлар сиёсати тўғрисида”ги Қонунида ёшларни маънавий, интеллектуал ва жисмоний ривожлантириш, уларни ҳуқуқбузарликлардан асраш давлат сиёсатининг устувор йўналиши сифатида белгиланган.

Учқўрғон туманида профилактика инспекторлари, таълим муассасалари ва маҳалла фаоллари билан ҳамкорликда ёшлар ўртасида ҳуқуқий билим бериш, спорт мусобақалари ва “Ёшлар қонунни билишади” тадбирлари ўтказиб келинмоқда.

Ҳурматли ёшлар! Қонунга итоаткорлик, меҳнатсеварлик ва жамоат тартибига ҳурмат — бу келажак муваффақиятининг калитидир.

Терроризм ва экстремизм — жамият тинчлигига таҳдид

Ҳурматли фуқаролар!

Бугунги кунда терроризм ва диний экстремизм бутун жаҳон ҳамжамияти учун жиддий хавфдир. Бу офатга қарши курашишда энг муҳим омил — аҳолининг хабардорлиги ва онгли фаоллигидир.

Ўзбекистон Республикасининг “Терроризмга қарши кураш тўғрисида”ги Қонуни ҳамда “Экстремизмга қарши курашиш тўғрисида”ги Қонуни асосида ички ишлар органлари ва ҳуқуқни муҳофаза қилувчи идоралар жамоатчилик билан ҳамкорликда профилактик ишлар олиб бормоқда.

Учқўрғон туманида диний соҳадаги соғлом муҳитни сақлаш, ёшлар онгига ватанпарварлик ва бағрикенглик ғояларини сингдиришга қаратилган маънавий-маърифий тадбирлар мунтазам ўтказилмоқда.

Ҳар бир фуқаро ҳушёр бўлиши, шубҳали чақириқ ва ғояларга алданмаслиги лозим. Тинчлик ва барқарорлик — энг катта неъматдир.

Йўл ҳаракати хавфсизлиги — ҳаёт кафолати

Ҳурматли ҳайдовчилар ва пиёдалар!

Йўл ҳаракати хавфсизлиги — ҳар бир фуқаронинг ҳаёти, соғлиги ва мулкини ҳимоя қилишга қаратилган муҳим йўналишдир. Ҳар йили кўплаб йўл-транспорт ҳодисалари эҳтиётсизлик ёки қоидаларни бузиш натижасида содир бўлади.

Учқўрғон туманида “Ҳайдовчи — масъулият намунаси”, “Йўлда эҳтиёт бўл!” каби акциялар ўтказилиб, ҳайдовчилар ва пиёдаларга хавфсизлик қоидалари доимий тарғибот қилинади.

Шунингдек, автомашина бошқаришдан аввал унинг техник жиҳатдан яроқли эканлиги бўйича белгиланган муддатларида техник кўриклардан ўтказиб туришни унитманг.

Йўлдаги ҳар бир эҳтиёт чораси — бир ҳаётни сақлаб қолиши мумкин!

Оилавий тотувлик — жамият барқарорлигининг асоси

Ҳурматли ота-оналар ва маҳалла фаоллари!

Оила — жамиятнинг пойдевори. Тотув ва соғлом муҳитда ўсган фарзанд келажакда соғлом жамиятнинг фаол аъзосига айланади. Афсуски, баъзи ҳолларда оилавий низолар, зўравонлик ёки муносабатдаги беэътиборлик жиноятчиликка олиб келиши мумкин.

Учқўрғон туманида “Тотув оила — тинч маҳалла” акцияси доирасида профилактик тадбирлар, суҳбатлар ва психологик маслаҳатлар ўтказилмоқда.

Оилавий тотувлик — жамият тинчлиги, фарзанд тарбияси ва миллат келажагининг кафолатидир!Ўғирлик — жамият ишончини издан чиқаради

Ҳурматли фуқаролар!

Ўғирлик — энг кўп учрайдиган, лекин энг оғир оқибатларга олиб келадиган жиноят туридир. Ўзбекистон Республикаси Жиноят кодексининг 169-моддасида ўғирлик учун жавобгарлик белгиланган бўлиб, бундай қилмиш учун жарима, мажбурий жамоат ишлари ёки озодликдан маҳрум этиш жазоси қўлланилади.

Учқўрғон туманида ҳозирги кунда мулкий жиноятларнинг олдини олиш бўйича профилактик ишлар олиб борилмоқда. Аҳолидан илтимос: уйингиз, автомашинангиз ва мол-мулкингиз хавфсизлигини таъминлашда эҳтиёткорликни кучайтиринг, хонадонингизга камера ўрнатинг ва қўриқлов бўйича пултга улатинг.

Бефарқлик ва эҳтиётсизлик ўғирга йўл очади!

Фирибгарликдан эҳтиёт бўлайлик!

Азиз туманимиз фуқаролари!

Сўнгги йилларда турли кўринишдаги фирибгарлик ҳолатлари — айниқса, интернет ва телефон орқали алдаш, ёлғон ваъдалар билан пул олди-берди қилиш ҳолатлари кўпаймоқда.

Жиноят кодексининг 168-моддасига мувофиқ, фирибгарлик — ишончни суиистеъмол қилиш ёки алдаш йўли билан мулкни қўлга киритиш — жиноий жавобгарликка сабаб бўлади.

Учқўрғон тумани ИИБ фуқароларни доим ҳушёр бўлишга чақириб, банк операциялари, онлайн харидлар ва номаълум шахслар билан алоқада эҳтиёткорликни кучайтиришни тавсия этади.

Фирибгарнинг қурбони бўлмасликнинг энг яхши йўли — шубҳали шахслар ва ёлғон ваъдаларга ишонмасликдир!

Учқўрғон тумани ИИБ бошлиғи У.Б.Муродуллаев