Сайёр қабулдаги мурожаат ижроси
Наманган вилояти ҳокими Шавкатжон Абдуразаковнинг Норин туманида ўтказган сайёр қабулида Наманган шаҳар "Бобуршох" МФЙ Шохимардон кўчаси 1-уйда яшовчи 1-гуруҳ ногирони 1990 йилда туғилган Бўтабоев Абдуваҳоб Карим ўғли аравача бўйича мурожаат қилган эди.
Ушбу мурожаат Наманган вилояти ИИБ бошлиғи 3-сектор раҳбари полковник Адил Атаходжаев ташаббуси билан назоратга олинди, ногиронлиги бўлган шахснинг оилавий аҳволи, яшаш шароити ўрганилди.
Бугун вилоят ИИБ бошлиғи, 3-сектор раҳбари томонидан Абдуваҳоб Бўтабоевга замонавий тез юрар электро мобилли ногиронлар аравачаси, икки нафар қизларига мактаб сумкаси ва ўқув қуроллари ҳамда озиқ-овқат маҳсулотлари етказиб берилди.
Абдуваҳоб Бўтабоев юртимизда кам таъминланган, оилавий шароити оғир ва ногиронлиги бўлган шахсларга қаратилаётган эътибордан ҳурсандлигини билдириб, ушбу савобли ишга қўл урган сектор раҳбари ва шахсий таркибга миннатдорчилик изҳор қилди.
Наманган вилояти ИИБ Ахборот хизмати
