Пул ва телефон ўғриси ушланди.
2021 йил 30 июнь куни, Наманган туманида яшовчи, 1970 йилда туғилган аёл ариза билан мурожаат қилиб, шу йил 30 июнь куни соат 08:30 ларда, яшаш уйида ҳеч ким йўқлигидан фойдаланган номаълум шахс, яшаш уйига очиқ қолган дарвоза орқали кириб, хонада бўлган нархи 1.050.000 сўмлик “Samsung J7” русумли уяли телефон аппаратини ҳамда у ерда бўлган аёллар сумкаси ичидаги 900.000 сўм пулларини ўғирлаб кетганлигини маълум қилиб, чора кўришни сўраган.
Наманган туман ИИБ ТваЭҚКГ тезкор вакили ва ҲПБ профилактика инспекторлари томонидан олиб борилган тезкор-қидирув ва суриштирув ҳаракатлари натижасида, ушбу жиноятни маҳалладоши, Наманган туманида ота-онаси қарамоғида яшовчи, 2004 йилда туғилган бола содир этганлиги аниқланган.
Ушбу ҳолат бўйича Наманган туман ИИБ ҳузуридаги ТБ томонидан 2021 йил 3 июль куни Ўз.Р ЖКнинг 169-моддаси 2-қисми билан жиноят иши қўзғатилган.
Наманган вилояти ИИБ Ахборот хизмати
