ППХ ходимлари автомашинани тунаган қизларни қўлга олди.
Жорий йил 26 август куни Наманган шаҳрида яшовчи аёл ИИБга ариза билан мурожаат қилиб, унда шу куни соат 06:45 ларда Наманган шаҳар “Чорсу деҳқон бозори”га кириш жойида турмуш ўртоғининг ВАЗ-2106 русумли автомашинаси юкхонасида бўлган умумий нархи 2.000.000 сўмлик буюмлар ҳамда шу сумка ичида бўлган 1.500.000 сўм пулларини номаълум шахс ўғрилаб кетганлигини маълум қилиб, чора кўришни сўраган.
Наманган вилояти ИИБ ППХ ва ЖТСБ ППХБ сафдор ходимлари томонидан олиб борилган тезкор-қидирув ва суриштирув ҳаракатлари натижасида 27 август куни ушбу жиноятни Наманган шаҳрида яшовчи 2001 ва 2003 йилда туғилган икки нафар қизлар содир этганлиги аниқланган ҳамда далилий ашё олинган.
Ушбу ҳолат бўйича шаҳар ИИО ФМБ ҳузуридаги ТБ томонидан Ўз.Р ЖКнинг 169-моддаси 2-қисми билан жиноят иши қўзғатилган.
Ҳурматли фуқаролар, автомашинангиз ва моддий бойликларингизни қаровсиз қолдирманг. Бирозгина эътиборсизлик яна бир жиноятга йўл очиши мумкин.
