2020 йил 19 декабрь куни соат 01:30 ларда, шаҳар ИИО ФМБ 1-сонли ИИБ навбатчисини берган хабарига кўра, Наманган шаҳрида яшовчи, 1996 йилда туғилган фуқаро ариза билан мурожаат қилиб, шу йил 18 декабрь куни соат 23:50 ларда яшаш уйи олдида Спарк русумли автомашинасини калитини ўзида қолдириб, ўзи яшаш уйига кириб кетган вақтида, номаълум шахс автомашинасини олиб қочиб кетганлигини маълум қилиб, чора кўришни сўраган.

Вилоят ҳудудида “Тўсиб ушлаш” махсус режаси ҳаракатга келтирилиб, олиб борилган тезкор-қидирув ва суриштирув ҳаракатлари натижасида, автомашина Наманган шаҳар И.Каримов кўчасидан ўнг томон олди эшиги ва қанот қисми қисман техник шикастланган ҳамда орқани кўрсатувчи ойнасини пластмасса қисмини ярми синган ҳолда топилган. Автомашинадан 20 дона бармоқ излари олиниб, вилоят ИИБ автоматлаштрилган шахсни идентификация қилиш тизимига киритилиб, вилоят ИИБ ЖҚБ тезкор вакиллари ҳамда шаҳар ИИО ФМБ ходимлари томонидан олиб борилган тезкор-қидирув ва суриштирув ҳаракатлари натижасида, ушбу жиноятни, Наманган шаҳрида ота-онаси қарамоғида яшовчи, Наманган шаҳридаги мактабнинг 11-синф ўқувчиси, 2004 йилда туғилган, Наманган шаҳрида ота-онаси қарамоғида яшовчи, Наманган шаҳридаги мактабнинг 10-синф ўқувчиси, 2005 йилда туғилган, Наманган шаҳрида ота-онаси қарамоғида яшовчи, Наманган шаҳридаги мактабнинг 9-синф ўқувчиси, 2006 йилда туғилган ва Наманган шаҳрида ота-онаси қарамоғида яшовчи, Наманган шаҳридаги мактабнинг 11-синф ўқувчиси, 2004 йилда туғилган фуқаролар содир этганликлари аниқланган.

Ушбу ҳолат бўйича Наманган шаҳар ИИО ФМБ ҳузуридаги ТБ томонидан 2020 йил 19 декабрь куни Ўз.Р ЖКнинг 267-моддаси 1-қисми билан жиноят иши қўзғатилган.

Наманган вилояти ИИБ Ахборот хизмати