Наманган вилояти ИИБ бошлиғи, 3-сектор раҳбари полковник Шухрат Алиев томонидан «Ойдинкўл» маҳалласида жойлашган Педагогика коллежи биносида Наманган шаҳри аҳолисининг яшаш ва турмуш шароитлари, ижтимоий аҳволини ўрганиш ҳамда мавжуд муаммоларни бартараф этиш мақсадида сайёр қабул ташкил этилди.

Ўтказилган сайёр қабул давомида жами 10 нафар фуқаролар иштирок этиб, улардан турли хил масалаларда 14 та мурожаатлар қабул қилинди.

Мурожаатлар ахлоқ тузатиш ишлари жазосини муддатидан аввал тугатиш, бир марталик моддий ёрдам, маҳалла ички йўлларини асфальт қилиш, ер участкаси ажратиш, тикув машинаси олишда ёрдам, йўл белгиси ўрнатиш масалаларида келиб тушди.

Мурожаатларнинг аксарияти жойида ҳал этилган бўлса, муддат талаб этадиган мурожаатлар масъулларга бириктирилиб, ижроси алоҳида назоратга олинди.

Бошқарма бошлиғи томонидан жойларда аҳоли мурожаатларини ўрганиш ва уларга ижобий ечим топиш борасидаги амалий ишлар давом этмоқда.

Наманган вилояти ИИБ Ахборот хизмати