Вилоят ҳудудида жиноятчиликка қарши курашиш, ҳуқуқбузарликларни барвақт олдини олиш борасида қатор чора-тадбирлар амалга оширилиб, ҳудудларда профилактика инспекторлари зиммасига бир мунча масъулиятли вазифаларни юклаш билан бир қаторда уларнинг билим салоҳиятини ва малакасини оширишга алоҳида эътибор қаратилмоқда.

Жумладан, Наманган вилояти ИИБ бошлиғининг топшириғига асосан Наманган шаҳар ИИО ФМБ ва барча туман ИИБларида хизмат олиб бораётган профилактика инспекторларининг касбий ва ҳуқуқий билимларини ҳамда муомала маданиятини ошириш бўйича бошқарма Кадрлар бошқармаси билан ҳамкорликда ўқув машғулотлари ўтказиш режаси ишлаб чиқилди.

Режага кўра, 2021 йилнинг 12 январь куни Наманган тумани Ички ишлар бўлими ҳуқуқбузарликлар профилактикаси бўлинмаси ходимлари иштирокида амалий ўқув машғулоти ўтказилди.

Машғулот давомида, профилактика инспекторларининг билим савиясини ошириш, бугунги кунда ички ишлар органлари ходимларига қўйилаётган вазифаларни тўлақонли ижро этилишини таъминлаш, уларнинг зиммасига юклатилган кенг кўламли вазифаларни самарали бажаришлари учун тизимни тартибга солувчи меъёрий-ҳуқуқий ҳужжатларни чуқур ўзлаштирилиши, фуқаролар билан ҳушмуомалада бўлиш, уларнининг муаммоларини ўрганиб тегишли тартибда ҳал этиш ҳамда хизмат йўналишлари бўйича кўникмаларга эга бўлишларига асосий эътибор қаратилди.

Шунингдек, ўқув машғулотларида Ўзбекистон Республикаси Президенти Ш.М.Мирзиёевнинг 2020 йил 29 декабрь куни Олий мажлисга йўллаган мурожаатининг мазмун-моҳияти ҳамда мурожаатда белгиланган устувор вазифаларни амалга ошириш механизми бўйича тушунчалар берилди.

Наманган вилояти ИИБ ТВБСО масъул ходими томонидан, ички ишлар органлари ходимлари томонидан жисмоний куч ишлатиш, махсус воситалар ва ўқ-отар қурол қўллашнинг ҳуқуқий асослари ҳақида тушунчалар берилди.

Профилактика инспекторларининг касбий ва ҳуқуқий билимларини ҳамда муомала маданиятини ошириш бўйича ўтказилаётган ўқув машғулотлари давом эттирилмоқда.

Наманган вилояти ИИБ Ахборот хизмати