Наманган вилояти ИИБда вилоят ИИО ходимлари Бирлашган касаба уюшмаси қўмитасининг 2023-2025 йилларга мўлжалланган жамоа шартномасининг 2024 йилдаги ижроси муҳокама қилинди.

Унда Бирлашган касаба уюшма қўмитасининг 2020 йил февралдан 2025 йил февралгача бўлган даврдаги фаолияти юзасидан ҳисобот ҳамда тафтиш комиссиясининг хулосалари тингланиб, қўмитанинг иш фаолияти қониқарли деб баҳоланди.

Йиғилишда Наманган вилояти ИИБ бошлиғининг ўринбосари, Ўзбекистон касаба уюшмалари Федерациясининг Наманган вилоят Кенгаши раисининг ўринбосари, Ўзбекистон давлат муассасалари ва жамоат хизмати ходимлари касаба уюшмаси Наманган вилояти Кенгаши раиси ҳамда сайланган 54 нафар делегат иштирок этди.

Ёпиқ овоз бериш йўли билан ўтказилган сайлов натижасига кўра, амалдаги Бирлашган касаба уюшма қўмитаси раиси Шакиров Назиржон Латипович яна 5 йил муддатга раисликка сайланди.

Йиғилиш якунида кенгаш раиси касаба уюшмасининг олдида турган вазифаларга тўхталиб, ташкилотнинг 120 йиллигини муносиб нишонлаш ҳамда касаба уюшмаси аъзоларини янада фаол бўлишга чорлади.

Наманган вилояти ИИБ Ахборот хизмати