Ўзбекистон Республикасининг 2016 йил 14 сентябрдаги “Ёшларга оид давлат сиёсати тўғрисида”ги 406-сонли қонунига ҳамда “14 январь – Ватан ҳимоячилари куни” муносабати билан, Наманган вилояти Ички ишлар бошқармаси ҳамда Ўзбекистон Ёшлар Иттифоқи Наманган вилояти кенгаши ташаббуси билан, ёшларни она Ватанга садоқат ва юксак ватанпарварлик руҳида тарбиялаш мақсадида, Наманган вилояти Мудофаа ишлари бошқармаси, ИИВ Академик лицейлари, Наманган шаҳар уюшмаган ёшлари иштирокида Наманган шаҳрида жойлашган «Динамо» спорт мажмуасида Ички ишлар органлари ходимлари, Наманган шаҳар уюшмаган ёшлари, ИИВ Наманган Академик лицейи ўқувчилари, аскарлар иштирокида “Очиқ эшиклар куни” маънавий-маърифий тадбири ўтказилди.

Тадбир дастлаб, бошқарма раҳбарияти томонидан очиқ деб эълон қилинди. Шундан сўнг Мудофаа вазирлиги шарқий ҳарбий округи 07648 сонли ҳарбий қисм ҳарбий оркестри ва фахрий қоровул взводи ҳамда Ички ишлар вазирлиги Наманган Академик лицейи ўқувчилари томонидан жанговар кўргазмали чиқишлар кўргазмали чиқишлари, махсус воситалардан фойдаланиш бўйича кўргазмалар намойиш этилган бўлса, Кинология бўлими томонидан хизмат итларидан фойдаланиш тушунтириб берилди.

Тадбир сўнггида, иштирокчиларига Наманган вилояти ИИБ тезкор вазифаларни бажарувчи сафарбарлик отряди, жамоат хавфсизлиги хизмати Патруль-пост хизмати, Кинология хизмати, ҳарбий қисм, мудофаа ишлари бошқармаси масъул ходимлари хизмат-жанговар автомашиналар ҳамда хизматда фойдаланилаётган қурол-аслаҳаларни вазифаси, функциялари, яратилиш тарихи мутахассис ходимлар томонидан ёшларга тушунтириб ўтилди.

Наманган вилояти ИИБ Ахборот хизмати